الشاب اللي في الصورة ده من قرية
الشاب اللي في الصورة ده من قرية اسمها مــ,يت الفرماوي بمركز مــ,يت غمر محافظة الدقهلية،
كان جايب في ثانوية عامة حوالي 85%
أيامها كان في حاجة اسمها التحسين.
يعني يعيد السنة تاني عشان يحسن مجموعه ويدخل الكلية اللي عايزها.
بس مكنش يقدر يحمل أبوه مصاريف سنة اضافية
فقبل بالمكتوب ودخل كلية تربية قسم جغرافيا..
في نهاية السنة راح يفرح أبوه مش بس لأنه طلع الأول علي القسم بتاعه
لأ كمان لأنه دخل تحسين ثانوية عامة في السكرتة وجاب 95% المرة دي ودخل الكلية اللي كان بيحلم بها طول عمرة..
الاقتصاد والعلوم السياسية..
لمدة يومين تقريبا توافد الجيران
والأهل والأصحاب علي بيته ومفيش غير كلمة واحدة مبروك ياسعادة السفير.
شهرين بالظبط وشد الرحال علي قاهرة البشر و الحجر
وبدأ مملوءًا بكل صنوف الأمل رحلة مكنش اشد المتشائمين يتوقع سطرًا واحدًا من فصل نهايتها..
4 سنين عدوا بسرعة الصاروخ عليه،
وبكل ثقل علي ابوه اللي حرم نفسه من كل شئ عشان يوفر له مظهر اجتماعي يليق به وسط زمايله.
خلص دراسته في الكلية بتقدير جيد جدًا،
وبدأ يحضر رسالة الماجستير عن اصلاح المحكمة الدستورية
أثناء تحضيره للرسالة اشتغل باحث بالقطعة
بحث هنا وآخر هناك
و100 جنيه من هنا و200 من هناك.
حط القرش علي القرش وخد كام
كورس فرنساوي علي الشوية اللي كانوا في دماغه من ثانوية عامة..
كده بقي معاه لغتين الانجليزي اللي اتعلمه لوحده بمراجع وقواميس يستلفها من فلان وعلان.
وفرنساوي صرف عليه لآخر قرش في جيبه.
وحلف انه لو مسك فلوس محترمة تانية من اي مكان ليتعلم ألماني وقد كان..
دسنتين من التطوير الذاتي المكثف في مجال تخصصه وخارجه،
اضافة لما اتقنه من لغات.
هيأوا له انه اصبح قريب من حلمه
خد الخطوة الأصعب الالتحاق بالخارجية،
حلم كل خريج سياسة واقتصاد..
قدم لوظيفة ملحق تجاري اختبارات تحريرية وشفوية.
43 طالب تنافسوا علي مقعد واحد
بس هو طلع الأول..
بعد
ظهور النتيجة المشرقة..
تلقي أبوه اتصالًا..
تعالي يا حاج استلم ابنك من مشـــ,,ـرحة زينهم.
أصله انتــــ,,حر،
رمي نفسه في النيل
والأهالي لقوا جــ,,ــثته في نيل المعادي..
الأب المكلوم مكنش قادر يستوعب مــ,,وت ابنه.ازاي شاب طلع الأول في اختبارات الخارجية وأمامه أسبوع وفقط علي مناقشة رسالته ينتــــ,,حر.
بس حد ابن حلال من صحاب المغفور له وشوش الحاج في ودنه عند المش,,ـرحة وقاله..ابنك طلع الأول في الامتحانات بس متقبلش يا حاج..
المسئولين قالوا له انه غير لائق اجتماعيا عشان حضرتك بتشتغل عامل في مصنع طوب..
ربنا يرحمك ويصبر أهلك ويخلف عليهم خير..
النهاردة الذكري
ال 18 لمـــ,,وت زينة شباب مصر ‘‘عبد الحميد شتا‘‘ مُتأثرًا بجـرعة مم,,ـيتة من القـهر الطبقي
لله يرحمك يا عبد الحميد..الله يرحمك.!!
