اغرب القصص اللي حصلت في تاريخ امريكا

أولا المفروض ان سبب الحريق يكون انفجا..ر في تانك البنزين نتيجة اصطدام بسبب سرعة زيادة ، لكن الغريب ان هما ملقوش على الأرض اثار فرامل

ولا حتي الصخور اللي في المنطقة حوالين العربية مكسورة ، ده حتي تانك البنزين سليم هو واي حاجة ممكن تكون سببت حريق في العربية

علشان تتجه الشكوك أن اللي حصل لـ كلاي هو ج*ريمة ، شخص قتـ،له واتخلص من الج.ثة عن طريق حر.ق العربية علشان ماحدش يكتشف امره وتبان انها حادثة طريق

في نفس الوقت بيتدخل الطب الشرعي وياخد عينة من الحمض النووي بتاع الأم DNA ويحاولوا ياخدوا عينة من الحمض النووي من الج.ثة اللي اتفحمت علشان يتأكدوا أن فعلاً اللي اتحر.ق هو كلاي ، بس نتيجة التحليل كانت هتاخد من ٥ لـ ٦ شهور علشان تظهر

بعد ما عملوا العزاء و الاخبار انتشرت ، زمايل مولي في الشغل بدأوا يجمعولها تبرعات وكمان الجيران و ناس غريبة ماتعرفهاش لمجرد انها سمعت تفاصيل الحادثة المرعبة وأن مولي أصبحت أرملة عندها طفلين

كمان كان فيه ناس بتبعتلها اكل وشرب لدرجة ان شخص بعتلها مُربية تساعدها في شغل البيت وكان هو متكفل بجزء من راتبها تعاطفًا مع حالتها

على الجانب الآخر بدأت الشرطة تحريتها لأن زي ما قولنا الشكوك كلها كانت متوجهة ناحية جريمة قتـ،ل ، الغريب انهم لقوا ان كلاي شخص سمعته سيئة ومكروه من معظم الناس

علشان تكتشف الشرطة ان كلاي متهم بالتحر..ش بطفل من عيلته ، واعترف فعلاً باللي عمله ، بس الاغرب هو الحكم اللي اتحكم عليه واللي كان شهر سجن كان المفروض هيتنفذ قبل يومين بس من الحادثة، وده اللي اثار حالة غضب عند والد الطفل وكان معترض على الحكم

لما الشرطة اكتشفت المعلومات ديه بتتوجه الشكوك كلها ناحية والد الطفل المعتـ.دي عليه وانه احتمال كبير يكون هو اللي قتـ،ل كلاي انتقامًا منه بسبب ال عمله

بس بعد التحقيق والتحريات مع الشخص المشكوك فيه تتأكد الشرطة ان مافيش دليل واحد ممكن يدينه وأن مستحيل يكون هو اللي عمل كده

رجعت الشرطة تاني في التحقيقات مع الزوجة اللي هي مولي ، لكن الغريب هي حالة ال لا مبالة اللي كانت فيها ، لدرجة انها كانت بتطلب منهم يقفلوا القضية ويبطلوا يستجوبوها ، وكانت بتقولهم ان كلاي هو اللي عمل كده في نفسه لأنه كان مكتـئب بسبب الحكم اللي اتحكم عليه وانه هيصبح مسجون في قضية اعتد..اء جنسـ..ي

هنا اصبح فيه جزء من الشكوك ناحية مولي ، لكن في نفس الوقت مافيش اي دليل عليها خصوصاً ان الشهود والجيران اكدوا انها كانت في بيتها وقت الحادثة، وبدأت الشرطة في التحريات عنها وتكتشف معلومة ، وهي ان كلاي كان عنده بوليسة تأمين بمبلغ ١٠٠ الف دولار والوريثة للبوليسة ديه هي زوجته مولي

من وقت الحادثة ومولي كانت كل يوم تتصل بشركة التأمين علشان تتحصل على البوليسة لحد ما الشركة دفعتها فعلاً ،

وهنا الشكوك بدأت تزيد ناحيتها اكتر ويستمر البحث والتحريات ٥ شهور كاملين لحد ما تظهر نتيجة تحليل الحمض النووي واللي كان صدمة للشرطة

الحمض النووي غير مطابق للحمض النووي بتاع الأم ، يعني معني كده ان الج.ثة اللي اتحر.قت مش ج.ثة كلاي اصلا!!

بتبدأ الشرطة أنها تحط مراقبة ٢٤ ساعة على مولي ، اللي كانت حياتها روتينية جداً ، تروح الشغل وترجع على البيت ، لحد ما في يوم لقوها غيرت الروتين

بعد ما خلصت شغلها ما روحتش البيت ، دي اتوجهت لواحد من المولات وتحديدا في مطعم جوا المول دخلت قعدت مع شخص كان في إنتظارها

في الوقت ده كان بيراقبها ٣ محققين ، واحد منهم قرر انه يدخل المطعم علشان يعرف هوية الشخص اللي هي قاعدة معاه ،لكنه يتصدم من المنظر

اللي قاعد معاها هو كلاي جوزها بس شعره لونه مختلف ، علشان يتأكد المحقق أن ده كلاي توجه ناحيتهم وطلب منه بطاقة الهوية ، لكن الغريب أنه طلع بطاقة هوية بأسم شخص اسمه “چاك” وانكر أنه مش كلاي ولا يعرف حد بالاسم ده

لكن صمم المحقق على اعتقاله علشان يتأكد في قسم الشرطة أنه فعلاً مش كلاي ، وهناك انهار كلاي واعترف بكل حاجة

قال انه كان عليه ديون كتير وكمان كان متهم في قضية اعتد..اء جنـ.،سي وكان على وشك الحبس ، وقتها فكر هو وزوجته في كل الخطة اللي حصلت وحكينا تفاصيلها

وهنا الشرطة سألته عن مين صاحب الج.ثة اللي اتفحمت في العربية ، رد عليهم وقالهم انه نبش قبر وسر.ق منه الج.ثة وحطها في العربية وزود المواد المستخدمة في الحريق علشان تتفحم تماماً ومايبنش أن ليها أي اثر

بتبدأ الشرطة في البحث وبالفعل تلاقي أن فيه واحد من القبور القريبة من مكان الحادث كان منبوش ومسروق منه ج.ثة سيدة اسمها “شارولت” توفت وهي عندها ٨١ سنة قبل ٦ شهور من الواقعة

على الجانب الآخر مولي كانت بتَدَعى ان هي مش متورطة في أي حاجة تماماً ، وانها ماكانتش تعرف أي حاجة عن اللي حصل وأن هي انخدعت زيها زي الشرطة ، لكن ماحدش كان مصدقها من المحققين ، وتطلع مذكرة لتفتيش بيتها

هناك بيلاقوا ادوات مستخدمة لإشعال النار زي الفحم النشط وحاجات كتير اثبت الطب الشرعي أن تم استخدامها في إشعال النار في العربية ، لكن الاهم من ده كله اللي لقوه على الكمبيوتر بتاعها واللي بسببه القضية اتشهرت بأغبي قضية انت*حال