حكايات ماما نجوى
نجوى إبراهيم قررت تعمل زيارة لسـ. ـجين المحلة.. لكن الزيارة دي انتهت بمشهد أبكى مصر كلها!
محمد عبدالجليل اللي قضى 19 سنة خلف القضبان، ماكانش يعرف إن خروجه من الحبس مش هو المفاجأة الوحيدة.. وإن فيه حــ,,ـــــضن مستنيه من 19 سنة، هيكون كفيل ينسّيه كل لحظة غياب!
الحكاية بدأت لما نجوى إبراهيم قررت تزور محمد في السـ. ـجن، الشاب اللي دخل القضبان وهو لسه في سن الإعدادية تقريبًا، لكن رغم قسوة السنين، رفض يستسلم لليأس، وقرر يكمل تعليمه من جوه الحبس لحد ما حصل على ليسانس آداب، وبدأ يستعد للماجستير.
محمد كان عنده حلم واحد مستنيه من سنين.. إنه يخرج ويشوف أمه وأخته تاني، لكن اللي ماكانش يعرفه إن نجوى إبراهيم كانت بتحضر له مفاجأة هتغير حياته بالكامل.
نجوى اتفقت مع مأمور السـ. ـجن إن محدش يبلغه بحاجة، واستدعوه بحجة إنه يحلق دقنه ويلبس كويس، ولما دخل عليه المأمور قاله: مبروك يا محمد.. أنت اتخرجت وأخدت الليسانس، وإحنا فخورين بيك.
لكن المفاجأة الأكبر كانت لسه جاية.. المأمور بصله وقاله: انت النهارده إفراج!
محمد فضل باصص له مش مصدق، وكأن عقله مش قادر يستوعب إن الكلمة اللي استناها 19 سنة بقت حقيقة أخيرًا. وكل اللي قدر يقوله من شدة الصدمة: متشكر يا باشا.
وبعد ما خلص إجراءات خروجه ولم حاجته ولف مرتبته، ركب الأتوبيس مع نجوى إبراهيم في طريق العودة للمحلة، عشان يوصلوه لبيت أهله.
لكن هنا ظهرت مشكلة ماكانوش عاملين حسابها.. محمد ماكانش يعرف غير عنوان بيته القديم اللي سابه من 19 سنة، ولما وصلوا اكتشفوا إن الدنيا اتغيرت، والشوارع اتبدلت، والبيوت مابقتش زي ما كانت.
فضل محمد يحاول يفتكر أي علامة تدله على بيته، لحد ما لمح الحارة اللي كان ساكن فيها، وفجأة قال لنجوى: دي هي.. وأختي أهي!
وهنا بدأت اللحظة اللي اختصرت 19 سنة من الشوق والغياب..
أخته أول ما شافته صـ. ـرخت من قلبها: محمد يا أخويا! وجريت عليه ورمت نفسها في حــ,,ـــــضنه، وفضلت تلف بيه من شدة الفرحة، لحد ما الاتنين وقعوا على الأرض.
وبعدها ظهرت أمه.. الست اللي استنت ابنها سنين طويلة، وفضلت تنادي عليه: يا محمد يا ابني.. يا حبيبي!
من شدة الفرحة والانفعال ماقدرتش تتمالك نفسها، والمشهد كله تحول لصـ. ـرخات ودموع وأحضان، ونجوى إبراهيم نفسها ماقدرتش تمنع دموعها وهي بتصور اللحظة.
لكن المفاجأة إن تأثير المشهد ماوقفش عند لحظة التصوير..
نجوى حكت بعد كده إنها لما رجعت المونتاج واختاروا أغنية «وحشتوني وحشتوني» على مشهد اللقاء، انهارت في البكاء رغم إنها كانت عاشت اللحظة بنفسها.
ولما الحلقة اتذاعت تاني يوم، فوجئت إن الناس في الشارع كل ما يشوفوها يفتكروا المشهد وتغلبهم دموعهم.
19 سنة غياب.. شوارع اتغيرت وملامح كبرت، لكن حــ,,ـــــضن الأم فضل مستني صاحبه.. وكأن كل السنين دي اختصرت نفسها في لحظة واحدة، لحظة رجوع ابن كان كل حلمه إنه يرجع يقول لأمه: أنا رجعت.
